راپۆرته ههواڵ: هێمن میرانى -ئامهد
رۆژى پێنج شهممه 15-05-2008 له هۆڵى پێشهنگاكانى شارى ئامهد، ههشتهمین پێشهنگاى پێداویستیهكانى شارهوانى به ئامادهبوونى چهندین بهرپرسى شارهوانى و ژووره بازرگانییهكانى توركیا و ههرێمى كوردستان كرایهوه.
له سهرهتاى رێو رهسمى كردنهوهى پێشهنگا بهرێز محهمهد قایا سهرۆكى ژوورى بازرگانى و پیشهسازییهكانى دیاربهكر وتارى بهخێرهێنانى خوێندهوه. له وتهكهیدا وێرِاى خۆشحاڵى دهربرِین به ئامادهبوون لهو پێشهنگایه، هێماى بۆ بایهخى ئهم جۆره یهكتر بینین و كۆبوونهوانه كرد. بهرێز قایا له بهشێكى وتارهكهیدا ئاماژهى بهوه كرد كه مهبهستى ئهوان له ئهنجامدانى ئهم جۆره كارانه راكێشانى سهرنجى ناوچهكهیه بۆ بایهخى دیاربهكر و پهرهپێدانى پهیوهندییه ئابورى و بازرگانى و مرۆییهكانى نێوان دیاربهكر و دراوسێكانى. ناوبراو ئهم ههنگاوانهى به یهكێك له رێگهچارهكانى چارهسهركردنى كێشهكانى دیاربهكر ناساند. وێرِاى ئاماژه كردن به پێگهى گرنگى ئابورى و بازرگانى دیاربهكر له ناوچهكه، بهرێز قایا تیشكى خسته سهر پهنجا ساڵى رابردووى تهمهنى توركیا كه به هۆى قهیرانه سیاسییه یهك به دواى یهكهكان نهتوانراوه له قازانجى خهڵكى دیاربهكر پێگهى گرنگى ئهو شاره بهكاربهێنرىَ. هیواى خواست به هاوكارى دۆست و ههڤاڵانى دیاربهكر بتوانرىَ لهمهولا سوود له پێگهى گرنگى ئهو شاره وهربگیرىَ. ...
